Ay Umr-E-Rawaan, Ahista Chal...

Ay Umr-E-Rawaan,
Ahista Chal,
Abhi Kha'sa Qarz Chukana Hay,
Kuch Khwaab Hain Jin Ko Likhna Hay,
Tabeer Ki Soorat Deni Hay,
Kuch Log Hain Ujray Dil Wale,
Jinhe Apni Muhabbat Deni Hay,
Kuch Phool Hain Jin Ko Chunana Hay,
Or Haar Ki Surat Deni Hay,
Kuch Neendein Apni Baqi Hain,
Jinhe Bantna Hay Kuch Logo Main,
Un Ko Bhi To Raahat Deni Hain,
Ay Umr-E-Rawaan,
Ahista Chal,
Abhi Khasa Qarz Chukana Hay,

- Aitbar Sajid