بہت دن سے!
مجھے کچھ اَن کہے الفاظ نے بے چین کررکھا ہے
مجھے سونے نہیں دیتے
مجھے ہنسنے نہیں دیتے
مجھے رونے نہیں دیتے
یوں لگتا ہے!
کہ جیسے سانس سینے میں کہیں ٹھہری ہوئی ہے
یوں لگتا ہے!
کہ جیسے تیز گرمی میں
ذرا سی دیر کو بارش برس کے رک گئی ہے
گھٹن چاروں طرف پھیلی ہوئی ہے
بہت دن سے!
مری آنکھوں میں سپنوں کی
کوئی ڈولی نہیں اُتری
بہت دن سے!
خیالوں میں‘ دبے پاؤں
کوئی اپنا نہیں آیا
بہت دن سے!
وہ سب جذبے!
جو میری شاعری کے موسموں میں رنگ بھرتے تھے
کہیں سوئے ہوئے ہیں
مرے الفاظ بھی کھوئے ہوئے ہیں
میں اُن کو ڈھونڈنے!
اِس زندگی کے دشت میں نکلا تو ہوں لیکن!
مجھے معلوم ہے‘ جذبے!
اگر اک بار کھو جائیں
تو پھر واپس نہیں ملتے !
مجھے معلوم ہے پھر بھی!
ابھی اک آس باقی ہے
میں اب اُس آس کی انگلی پکڑ کر
چل رہا ہوں !
بظاہر شبنمی ٹھنڈک مجھے گھیرے ہوئے ہے
مگر میں جل رہا ہوں
میں اب تک چل رہا ہوں !!
- عاطف سعید
Main Ab Tak Chal Raha Hoon ...
Bohat Din Say Mujhay Kuch Un-Kahay Alfaz Nay Bay-chain Kr Rakha Hay,Mujhay Sonay Nahin Detay,
Mujhay Hansnay Nahin Detay,
Mujhay Ronay Nahin Detay,
Yun Lagta Hay K Jaisay Sans Seenay Mein Kahin Thehri Hui Hay,
Yun Lagta Hy K Jaisay Taiz Garmi Mein ...
Zara Si Dair Ko Barish Baras K Ruk Gaye Hay,
Ghutan Charoo Taraf Pheli Hui Ho,
Bohat Din Say Meri Ankhoon Mein Sapnoo Ki Koi Doli Nahi Utri ...
Bohat Din Say Khiyalon Mein Dabay Paoon Koi Apna Nahi Aya,
Bohat Din Say Wo Jazbay,
Jo Meri Shairi K Mosmoon Mein Rang Bhartay Thay ...
Kahin Soye Huay Hain,
Mere Alfaz Bhi Khoye Hue Hain ...
Main Un Ko Dhoond'nay Iss Zindagi K Dasht Mein Nikla To Hoon Lekin ...
Mujay Maloom Hay Jazbey Agar Ek Bar Kho Jaain,
To Phir Wapis Nahi Miltay !
Muje Maloom Hay Phir Bhi ...
Abi Ek Aas Baki Hay !
Main Ab Uss Aas Ki Ungli Pakar Kr Chal Raha Hoon,
Bazahir Shabnami Thandak Mujhay GheRay Hue Hay ...
Magar Main Jal Raha Hoon !
Main Ab Tak Chal Raha Hoon !!!
No comments:
Post a Comment